Ձվի թարմությունն ստուգելու հնարավոր միջոցները:
Ինչպես ստուգել՝ եփած է ձուն թե ոչ:
Ձվի թարմությունը ստուգել կարելի է և՛ հոտի միջոցով, և՛ մեկ բաժակ ջրի օգնությամբ:
Թարմ ձուն (1-9 օր) մնում է բաժակի հատակին։
10-21 օրվա ձուն ուղղվում է վերև։
Հին ձուն հայտնվում է ջրի երեսին։
Ձվի ներկման հիմքում ընկած է դիֆուզիոն երևույթը, այսինքն մի նյութի մոլեկուլների կամ ատոմների փոխադարձ ներթափանցման գործընթացը մեկ այլ նյութի մոլեկուլների կամ ատոմների միջև: Ձվի ներկման ընթացքում ներկի մոլեկուլները ներթափանցում են ձվի կեղևի մեջ, փոխանցելով նրան ներկի գույնը:
Ինչպես կարելի է ձվի օգնությամբ որոշել աղաջրի լուծույթի անհրաժեշտ խտության քանակության ստուգումը:
Հում ձվի քաշը ավելի մեծ է, քան նույն ծավալով մաքուր ջրի քաշը: Հետևաբար ձում իջնում է ջրի հատակը: Բայց երբ ջրի մեջ աղ ենք ավելացնում, ստացված լուծույթի քաշը ավելանում է: Եվ երբ լուծույթի քաշը ավելի մեծ է լինում, քան ձվինը, ձուն հատակից բարձրանում է և սկսում լողալ ջրի երեսին: Հետևաբար ինչքան ավելի բարձր է ձուն կանգնում լուծույթի երեսին, այդքան լուծույթի խտությունը ավելի բարձր է:
Ինչու չի կարելի ձուն տեղադրել միկրոալլիքային վառարանի մեջ:
Ամերիկացի ֆիզիկոսները ապացուցել են, որ միկրոալիքային վառարանում պատրաստված ձուն կարող է պայթել: Նույնը կարող է պատահել նաև մաքրած խաշած ձվի դեպքում։
Հետազոտությունը սկսվել է մի տղամարդու պատմությունից հետո, ով դատարան հայց էր ներկայացրել որտեղ պնդում էր, որ նա լուրջ այրվածքներ է ստացել և լսողություն է կորցրել այն բանից հետո, երբ նրա բերանի մեջ հավկիթը պայթել է։
Ըստ գիտնականների՝ պայթյունը տեղի է ունենում այն բանի պատճառով, որ խաշած ձվի դեղնուցը ջուր է պարունակում, որը որը նախատեսվածից շատ է տաքանում, դրա գոլոշիացման պատձառով ձվի ներսում ստեղծվում է բարձր ճնշում, որի արդյունքում այն կարող պայթել:
Որ ծայրից է ավելի հեշտ կոտրվում ձուն:
Չնայած ձևի կեղևի բավականին բարակ և փխրուն լինելուն, այն այնքան էլ հեշտ չէ կոտրվում: Շատ մեծ ջանք կպահանջվի, ձուն ափով, երկու կողմից սեղմելով ջարդելու համար: Ձվի կեղևի նման անսովոր ամրությունը պայմանավորված է նրա ուռուցիկ լինելու ձևով: Այդ հատկությունը հաճախ օգտագործվում է ճարտարապետության մեջ, երբ տարբեր շինությունները կամ նրա որոշակի մասերը, կառուցվում են կամարաձև: Ձվի կողքերին, որտեղ մակերեսը գլանաձև է, արտաքին ճնշումը կեղևի վրա առաջացնում է մոտ երկու անգամ ավելի մեծ լարում, քան այն դեպքում, երբ նույն ճնշումը գործադրվում է ձվի ծայրերի վրա: Բացի այդ, ձվի սուր ծայրը, ունենալով թեքության ավելի փոքր շառավիղ, շատ ավելի ամուր է, քան բութը: Հետևաբար ձուն ավելի հեշտ կոտրվում է կողքի մասից:
Ինչպես ճիշտ խաշել ձուն:
Ձուն զգուշորեն դնում ենք եռացրած ջրի մեջ:
30 վայրկյան անց, երբ ջուրը կսկսի եռալ, մեղմացնում ենք կրակն ու ևս 10-11 րոպե եփում ենք:
Մի քանի րոպե թողնում ենք սառը ջրի մեջ:
Ջրում եփվելու ընթացքում աղ ենք ավելացնում, որպեսզի ձուն չճաքի:
Ձուն եփում ենք փոքր կաթսայի մեջ, որպեսզի դրանք հնարավորինս մոտ լինեն միմյանց ու չկարողանան տեղաշարժվել:
Եթե ձուն թարմ է, ապա եփում ենք 3-4 րոպե ավելի:
Ձվի բութ հատվածում կա բարձիկ, որտեղ հավաքվում է օդը։ Եփվելու ընթացքում այդ օդի ճնշման հետևանքով կճեպը կարող է ճաքճքել։ Դրանից խուսափելու համար ասեղի օգնությամբ ծակում ենք բարձիկն ու դուրս ենք բերում օդը:
Ձուն հեշտությամբ մաքրելու համար պետք է սպասենք մինչև սպիտակուցն ամբողջովին սառչի, այլապես կկպչի կճեպին ու հնարավոր չի լինի հավասար մաքրել։
Լևոն Սողոմոնյան 